Maa mujhe parinde ki tarah udna hai,
Maa mujhe khule gagan me jhuma hai.
Maa tere pas mai khud ko mehfus pata hun,
tujh sang khud ko her burai se dur pata hun.
Maa mujhe zindagi ke is safer me aage badhna hai ,
Maa mujhe zindagi k her uttar chadav ko samjhna hai.
Maa mujhe chitiyon ki trah pahhad pe chadna hai ,
Maa mujhe machliyon ki tarah pani ki gehraiyo me dubna hai..
Maa tera pyar hi hai himmat mere,
Maa tujhse hi hai her khushi mere.
Maa mujhe tere hothon pe her waqt muskan dekhna hai,
Maa mujhe tera naam is duniya me roshan kerna hai.
Duniya chahe Kisi bhi paimane se parkhe mujhe,
Maa tere najro me sabse achha rehna hai mujhe.
